Sport

Taranja tsipy kanetibe Tsy tokony hohadinoina, hoy ny FFAM

Sport
Zoma 22 Novambra 2019

Ankoatra ny baolina kitra izay nampiray sady nanandratra ny voninahitr’i Madagasikara tamin’ny alalan’ny BAREA dia tsy tokony hohadinoina ny tsipy kanetibe hoy ny fikambanana mpanao asa soa FFAM (Force Féminine d'Aide Mutuelle).

Efa nahita fahombiazana tamin’io isika ary efa tompondaka maneran-tany mihitsy. Tokony hotrandrahana hatrany ireo mpilalao mahay, hoy ny filohan’ny fikambanana Rasolofonoroniaina Julia Mickaelle na i Mishah nandritra ny fanolorana kianja manarapenitra sy fitaovana ny tanora mivondrona ao amin’ny Bouliste Club Anosizato (BCA). Misy ny lalao hitarafana ireo matihanina sy hanamafisana hatrany ny firaisan-kina izay tanjon’ny fikambanana FFAM hatrany am-boalohany. Hiadivana izay ho tompondakan’ny kaominina Anosizato Andrefana io lalao io ary ny sabotsy izao no hahafantarana izay ho tompondaka.

Tsirinasolo