Sport

Taranja Judo Manomboka mahaliana ny ankizy sy ny tanora

Sport
Alarobia 04 Aprily 2018

Manomboka mahaliana ireo ankizy sy tanora eto amintsika ny taranja Judo ankehitriny. Sady hahafahana mitaiza vatana mantsy izy no hahafahana mifehy ny fihetseham-po ihany koa saingy mila finiavana.

Betsaka ireo karazana tranga iainana mandritra ny fanaovana judo izay vao mahatafita hatrany ivelany, raha araka ny fanazavan’ireo ankizy mpianatra sendra ny gazety Tia Tanindrazana. Ilana fotoana manokana, hoy izy ireo hampivadiana amin’ny fianarana. Mahare marary ihany koa ianao eny anelanelany eny. Mety ho menatra ihany koa indraindray noho ny fihetsika tsy voafehy tsara. Tovovavy mpianatra judo teratany Malagasy roa no nalefa hianatra sy handalina ity taranja ara-panatanjahantena iray ity any Sina ny faran’ny herinandro teo. Telo taona izy ireo no hijanona any an-toerana ka rehefa fotoanan’ny vakaney lehibe ihany vao mahazo mody eto an-tanindrazana. Anisan’ny manohana akaiky azy ireo ny Airtel noho ny fahatsapan’ity orinasam-pifandraisana iray ity fa anisan’ny fomba iray hahafahana mampanjaka ny fifanajana, ny finamanana eo amin’ny samy tanora, ny fifanampiana, ny fifehezan-tena ary ny firaisankina ny taranja Judo. Vonona araka izany izy ireo ny hanampy ny federasionan’ny taranja Judo eto amintsika indrindra taorian’ny sonia fifanekem-piaraha-miasa notanterahin’ny roa tonta ny faran’ny herinandro teo.

Pati