Sport

Taom-pilalaovana Badminton Malagasy 2018 Hofaranana amin’ny fiadiana ny ho tompondaka olon-droa miaraka

Sport
Sabotsy 19 Janoary 2019

Nambaran’Atoa Ravalison Jean Aimé filohan’ny Federasion’ny Badminton eto Madagasikara tamin’ny firesahany tamina mpanao

gazety vitsivitsy tamin’ity faran’ny herinandro ity ny fifaninanam-pirenena fiadiana ny ho tompondakan'i Madagasikara eo amin’ny sokajin’olon-droa miaraka lehilahy sy olon-droa miaraka vehivavy izay hotanterahina etsy amin'ny kianja mitafon'Akorondrano amin'ny sabotsy 2 sy alahady 3 febroary 2019 ho avy izao no hamarana ny taom-pilalaovana 2018 eo amin'ny taranja Badminton Malagasy. Rehefa vita ny hetsika, hoy ity filohan’ny federasiona ity, dia hiroso amin’ny fanovana ireo rafitra an-tanatohatra rehetra mitantana ity taranja ity izahay ka hanombohana an’izany ny fifidianana eny anivon’ireo klioba mandray anjara amin’ny fifaninanana Badminton, tohizana amin’ny fifidianana mpitantana ireo seksiona sy ligy misy ary hofaranana amin’ny fifidianana rafitra Federasiona. Efa tapitra mantsy ny 4 taona nitantanan’ireo mpiandraikitra isan-tsokajiny ny taranja Badminton Malagasy rehetra.

Ntsoavina Evariste