Sport

Taniketsan’ny baolina kitra Mampiroborobo izany koa ny FMF

Sport
Zoma 28 Aogositra 2020

Hatramin’ny tapaky ny volana martsa 2020 dia fantatra fa anisan’ireo Federasion’ny Baolina kitra maneran-tany manatanteraka ny tetika "Développement des talents –

Analyse de l’écosystème du football" voizin’ny FIFA ny FMF Malagasy. Mifototra amin’ny fampitana ireo fototra tsara harahina sy famaliana ny fanontaniana ampitain-davitra mahakasika ny « aspects techniques » eo amin’ny baolina kitra miainga eny amin’ny fototra ka hatrany amin’ny ekipa nasionalin’ny firenena tsirairay na lahy na vavy izany tetikasa izany. Hisy ao anatin’izany ny fifanakalozan-kevitra ataon’ireo mpanazatra, Tale Teknika, Talen’ireo ligim-paritra isan’isany, tompon’andraikitry ny baolina kitram-behivavy, mpanolontsaina teknika amin’ny « consultants » manokan’ny FIFA. Any amin’ny faran’ny taona 2020 any, hoy i Arsène Wenger « Directeur du Développement du football mondial », dia hisy fomba fijery hiraisana amin’ny filan’ny baolina kitra lehilahy sy vehivavy maneran-tany ka hitondran’ny FIFA fanampiana eo amin’ny lafiny rehetra mba ho fandraisana anjara amin’ny fampiroboroboana ny baolina kitra avo lenta ary hampaharitra an’izany.

Ntsoavina Evariste