Sport

Tambin-karaman’ny Barea Mbola ny ampahefany no azo

Sport
Zoma 23 Aogositra 2019

Ankoatra ny fisaorana tamin’ny fomba ofisialy ny mpanohana ny ekipam-pirenena rehetra ka nahazoana iny vokatra nahavelom-bolo nandritry ny tompondakan’i Afrika eo amin’ny taranja

baolina kitra tontosa tany Ejipta farany teo iny dia namintina ny dingana rehetra nolalovana tamin’izany koa ireo mpiara-miasa mivantana tamin’ny Barea. Nohaazavaina tetsy amin’ny Carlton Anosy omaly ny mikasika ireo tambin-karama isan-karazany tokony ho nositrahan’ireo maherifon’ny firenena. Efa azo, raha ny fanazavana, ilay 700 tapitrisa ariary, natolotra voalohany indrindra. Teo koa ireo tambin-karama taorian’ny fahavitan’ny CAN 2019. Nanamafy kosa anefa ny mpanazatra, Nicolas Dupuis, fa ny ampahefany amin’ireo nampanantenaina hatreto no azon’ny STAFF sy ny mpilalao. Matoky anefa aho, hoy ny tenany fa ho azo tanteraka io rehefa tafapetraka ny biraon’ny federasionina vaovao.

J. Mirija