Sport
Alatsinainy 09 Septambra 2013
“Tamaboho 2013”
> Hivoy firaisam-pirenena ireo atleta
“Fanatanjahantena an-tsekoly, miara-mientana ho an’ny firaisam-pirenena”. Io no teny filamamatra nampisalorana ny fifaninanana ara-panatanjahantena an-tsekoly izay natomboka tamin’ny fomba ofisialy tao amin’ny kianja Vélodrome Antsirabe ny sabotsy 07 septambra 2013 lasa teo no sady ihany koa fankalazana ny faha-20 taona nisian’ity hetsika ity teo anivon’ny ministeran’ny fanabeazam-pirenena. Manodidina ny 2.000 ny mpandray anjara avy any amin’ireo fari-piadidiam-pampianarana 22 manerana ny Nosy ka ny 1.550 amin’ireo ny Atleta hifaninana mandritra ny herinandro. Nambaran’ny minisitra Manoro Régis fa misy antony ny nisafidianana ny lohahevitra satria iaraha-mahalala fa fanabeazana no atao ny ankizy ka na fanatanjahantena aza no ataony eto dia ampitaina aminy izay firaisam-pirenena izay. Iaraha-mahalala koa ny toe-draharaha misy eto amin’ny firenena, ka hafatra ho an’ny mpanao politika ihany koa no antony. Fa nandritra ity lanonam-panokafana ity lalaon’ny sekoly ity ihany koa no nisaorana ireo nahavita be teo anivon’ny ministera ka nisahana izany fanatanjahantena an-tsekoly izany ka notolorana mariboninahi-pirenena. Nisy koa ny fitokanana ny tsangambaton’ity faha-20 taona ity teo anoloan’ny biraon’ny DREN Vakinankaratra. Amin’ny zoma 13 septambra moa no hifarana ity fifaninanana ity.
Caius Raharison
Tia Tanindrazana
Samia mijoro ho an'i Gasikara.
Ao amin’ity sokajy ity ihany : Sport
.jpg)
-
Kitra_Fitantanana tsy manjary
- Zoma 18 Septambra 2026
-
Kitra - Barea
- Zoma 18 Septambra 2026
-
Marary i Maitre Kira
- Zoma 18 Septambra 2026
(4).jpg)
-
FIBA 3x3 U23 World Cup
- Zoma 18 Septambra 2026
-
Ligue des Champions CAF
- Alatsinainy 14 Septambra 2026
.jpg)
-
MAFANA TRAIL
- Alakamisy 03 Septambra 2026