Sport

Partagé sur :
• facebook

Hifarana anio zoma amin’ny hetsika fampakarana grady « Passage de grade »

ny fiofananana nandritra ny hateloana (08-10 aogositra) notontosaina tetsy amin’ny lapan’ny fanatanjahantena Mahamasina  notarihan’i Me Nicolas de Gonzague « Randriamiandrisoa Nicolas » 5è dan kukkiwon mondial izay mandalo eto amintsika ankehitriny. Mpikatroka 60 avy eto Analamanga no nofanina tamin’ny Poomse tamin’ny andro 1 ary ireo mpitsara taekwondo kosa no nahazo ny anjarany tamin’ny andro faha-2 omaly.

ATLETISMA

Norombahin’ilay Italiana vavy Lonah Salpeter tany Berlin ny alarobia teo ny anaramboninahitra tompondakan’i Eoropa amin’ny atletisama 10.000m  (31'43"29). Kenyana no tena fiavian’i  Lonah Salpeter saingy nizaka ny zom-pirenena Italiana izy nanomboka ny taona 2016. Ity no anaram-boninahitra vehivavy voalohany azon’ny Italiana teo amin’ity sokajy ity teo amin’ny tantaran’ny fifaninana Eoropeanina.

LOMANO

Voahosotra ho tompondakan’i Eoropa eo amin’ny taranja Lomano sokajy « 200 m dos » ilay Rosiana  Evgeny Rylov rehefa nanamontsana ny zava-bita tsara indrindra tany Europe (1'53''36) tany Glasgow Ecosse tamin’ny alarobia 08 aogositra teo. Lavony ilay Polonais Radoslaw Kawecki (1'56''07) nitana ny laharana faha-2 sy ilay Italiana Matteo Restivo (1'56''29). Medaly fanintelony azon’i Rylov ity azony ity taorian’ny nandrombahiny ny medaly volamena teo amin’ny « relais 4x100m nage libre” sy ny medaly volafotsy teo amin’ny “100 m dos” .

Tia Tanindrazana

Samia mijoro ho an'i Gasikara.