Sport

Taebo � Varavarana misokatra Maherin�ny 60 no namaly ny antso

Sport
Alatsinainy 12 Aprily 2010

Afa-po tamin’ilay varavarana misokatra nokarakarainy ny sabotsy 10 aprily teo tetsy amin’ny foiben-toerana fanaovany fanazarantena etsy amin’ny Beauty Center Antanimena ny fikambanana MTBA (Madagascar Taebo Association). Nahatratra 60 mahery ireo liana ary nandray anjara tamin’ny fanazarantena maimaimpoana nokarakarain’izy ireo izay notarihin’ireo mpampianatra mirahavavy, Randrianarisoa Francia sy Ranaivoson Vero. Tsiahivina fa telo taona izao no nitsanganan’ity fikambanana ity ara-panjakana teto amintsika. Tanjon’ireto farany ny fampahafantarana misimisy kokoa ity haiady natokana indrindra ho fitaizam-batana ho an’ny fahasalamana ity. Avo roa heny noho ny isan’ireo mpikambana ao amin’ny klioban’ny Taebo etsy amin’ny Beauty Center no tonga namaly ny antso tamin’ity varavarana misokatra andiany fahatelo ity izay nahatratra maherin’ny 60. Tratra ny tanjona, hoy ny mpikarakara. Dingana manaraka hapetraky ny MTBA mpikarakara ny fanaparitahana ny taranja any amin’ny faritra ka hisantarana izany ny tanànan’i Mahajanga amin’ny volana aogositra izao.

Hery Rabe