Sport

STADIUM BARIKADIMY TOAMASINA Nosantarin’ny Ajesaia ny fandresena

Sport
Alatsinainy 25 Novambra 2019

Taorian’ny lanonana fitokanana ny Stadium na kianja manara-penitra ao Barikadimy Toamasina notarihan’ny filoham-pirenena Andry Rajoelina, omaly alahady 24 novambra 2019,

dia ny ekipan’ny Ajesaia avy any Bongolava no nisantatra ny fandresena teo amin’ity kianja mahazaka mpijery miisa 15.000 isa ity saingy nihoatra lavitra noho izany no nanatrika tao tamin’io omaly io fa feno mpijery tety ambanin’ny “Gradin”. Ny lalaon’ny Club M Analanjirofo sy ny Ajesaia Bongolava tafiditra amin’ny andro faha-5 amin’ny fifaninanana Pro League Malagasy no narahina ary nampirehetana an’ireo “projecteurs” misy ao. Ny Ajesaia Bongolava no nisantatra ny fandresena voalohany tao amin’ity kianja manara-penitr’i Barikadimy Toamasina ity ka 6-1 no nandresen’izy ireo ny tompon-jaridaina “Club M” tamin’izany. Baolina tafiditr’ilay lohalaharana Yvon ny 5 tamin’ireo( 5’,33’,46’,71’,87’). Vokatra Pro League andro faha-5 hafa : Fca Ihorombe 1 – 0 Tia Kitra Fc Atsinanana, Egeco Plus A/manga 3 – 0 Zanakala Fc M/Ambony, 3Fb Toliara A/Andrefana 1 – 1 Cnaps Sport Itasy.

Ntsoavina Evariste