Sport

Slalom Tompondaka i Fred

Sport
Alatsinainy 07 Desambra 2015

Norombahan-dRabekoto Fred izay manamory P306 ny dingana fah-8 farany amin�ny fiadiana ny tompondakan�i Madagasikara amin�ny slalom izay natao teny Ivato ny faran�ny herinandro teo

. Lalana mirefy 1,500km moa no nanaovana ny fifaninanana ary dingana roa no natrehin’ireo mpifaninana ny sabotsy sy alahady. Tompomarika tamin’ny fikarakarana ny klioba ACCT. Io no dingana fah-3 azon’ity mpanamorin’ny ASACM ity tamin’ity taom-pilalaovana ity ary nahafahany ihany koa misalotra ny anaramboninahitra ho an’ity taona 2015 ity. Lah-2 kosa i Hugo Louvel, tompon’ny anaramboninahitra farany izay niova fiara ary nitondra P306 ihany koa tamin’ity dingana farany ity. I Dani kosa no nameno ny lampihazo. Iny fifaninanam-pirenena amin’ny slalom iny ihany koa no manakatona tanteraka ny fifaninanana ho an’ny federasiona malagasin’ny spaoro aotomobilina.

Rasanda Serge