Sport

Slalom ASA Tana Fanindroany ho an�i Fred

Sport
Alatsinainy 27 Aprily 2015

Taorian�ny efa nahazoan-dRabekoto Frederic na i Fred ny dingana fah-2 amin�ny fiadiana ny tompondakan�i Madagasikara amin�ny slalom natao tetsy Andohatapenaka herinandro vitsy lasa izay dia mbola lasany indray ary nanjakazakany mihitsy ny dingana fah-3 nokarakarain�ny ASA Tana teny Ambatomirahavavy ny faran�ny herinandro teo

. Ity mpanamorin’ny ASACM ity hatrany no lah-1 nahavita ny fotoana tsara indrindra tamin’ny filaharana ankapobeny ka niotndrany Subaru na koa tamin’ny sokajy fiara tarihin-kodiaran-droa. Lah-1 izy raha nanamory Subaru (2’’46,200) ary mbola voalohany koa tamin’ilay fiara P306 (2’’46,568). Lah-2 nanaraka azy i Gerard Louvel avy amin’ny FMMSAM nitondra P206 (2’’46,689) ary fah-3 Rahamefy Teddy, tompondakan’i Madagasikara 2014 nanamory P205 (2’’49,333). Tany amin’ny lah-4 kosa i Dany ary fah-6 i Hugo Louvel. Lah-2 taorian’i Fred tamin’ny fiara tarihin-kodiaran’efatra kosa i Bobo Jr ary fah-3 i Adriani nitondra Subaru. Nahazo ny lah-1 tamin’ny sokajy cross car i Kash (2’’58,420) narahin’i Rado kely (2’’58,588) ary fah-3 i Veve (3”04,832). Nanjakan’i Tojo kosa ny SSV ka 2”55,422 no fotoana vitany, fah-2 i Hendry (2”58,300) ary fah-3 i Boutaline (3”25,534). Lalana mirefy 1,850km moa no nihodikodinan’ireo mpifaninana tamin’ireo dingana telo voalahatra ny sabotsy sy alahady teo.

Rasanda Serge