Sport

Shenzen – Chine Mety horarana amin’izay ny fihinanana alika

Sport
Zoma 28 Febroary 2020

Eo an-dalam-pandrarana ny fihinanana henan’alika sy henan-tsaka ireo tompon’andraiki-panjakana any amin’ny faritanin’i Shenzen – Chine raha araka ny vaovao farany.

Fanapahan-kevitra mety horaisina noho ny fiahiahian’íreo manampahaizana fa avy amin’ny biby no nahazoan’ny olombelona ny Coronavirus izay mitohy mandripaka hatramin’izao. Efa eo an-dalam-pamolavolana lalàna ny governemanta any Shenzen ka karazan-kena 9 ihany no azo hohanina raha ny voasoratra ao, anisan’izany ny hena azo avy amin’ny kisoa, izay tena ankafizin-dry zareo sinoa tokoa, ny akoho, omby, bitro, trondro sy ireo hazan-dranomasina isan-karazany. Sokajiana ho biby fiompy kosa ny alika sy ny saka ary mety horarana tanteraka ny fihinanana azy ireo, raha ny sombim-baovao efa niparitaka.Tanàna lehibe lavitra noho i Wuhan i Shenzen, manana ny lanjany any Chine ka heverina fa hiteraka fifohazan-tsaina sy fanapahan-kevitra any amin’ireo tanàna hafa ity fepetra horaisina momba ny fihinanana alika ity. Malaza amin’ny fihinanana biby dia ny Sinoa, efa tena hatry ny ela, maro ny mpandinika mihevitra fa tsy maintsy hanova ny fomba fisakafony ry zareo Sinoa noho ity Coronavirus ity.

RTT