Sport

Serge Aurier, vodilaharan’I Cote d’ivoire Nanao vava tsy ambina tamin’ny Barea

Sport
Alatsinainy 09 Novambra 2020

“On va chicoter les Malagasy”, izay no fanambaran’ilay vodilaharan’ny ekipam-pirenen’ny baolina kitra Ivoarianina, Serge Aurier, tao anaty tambazotran-tseraserany iray ny faran’ny herinandro teo.

Nanao vava tsy ambina, mba tsy hilazana ilay fitenin’ny tanora hoe taim-bava be mihitsy, ity mpilalaon’ny Tottenham Hotspur, divizionina voalohany anglisy, ity satria dia mahalaza zavatra maro izay azo fehezina amin’ny hoe « manosihosy » mihitsy ity teny hoe « chicoter » rehefa atao ny dika malalaka momba azy. Voambolana izay somary mandika ny atao hoe « fair play » ihany koa raha ny tontolon’ny fanatanjahantena no jerena saingy heverina fa matoa nofafany moa ilay fanambarana dia inoana fa nisy fahatongavan-tsaina ihany tao. Tsy misy afaka handrara ny mpanohana ny ekipam-pirenena roa tonta, na ny mpanohana ny Barea malagasy io na ny mpanohana ny elefanta, hifanao ilay atao hoe taim-bava, araka ny fiteny mahazatra, saingy eo amin’ny samy mpilalao kosa dia mila tandremana hatrany ny vava tsy ambina toy itony, indrindra, aty amin’ny sehatra ambony toy izany « ligue 1 » eoropeanina izany.

J. Mirija