Seksion’ny rugby Atsimondrano Tontosa ny 1

8-ndalan’ny D-1 communale

Sport
Alatsinainy 18 Desambra 2017

Tontosa omaly alahady 17 desambra teny amin’ny kianjan’ny Makis teny Andohatapenaka ireo lalao 1/8-ndalan’ny fiadiana ny ho tompondakan’ny « D-1 communale » fiantso ny D-1 elite II fahiny.

Toy izao ny vokatra azo tamin’izany : Crai 13 – 3 Fita2a ; Jsaa 15 – 13 Tami ; Beravina 27 – 00 Fta Ankasina ; Htna 9 – 3 XV ovale ; Htam 8 – 3 Jiad. Hoezahina hotanterahina eny amin’ny kianjan’ny Makis ihany ny lalao 1/4-dalana amin’ity fifaninana ity, hoy Randriamanana Armand filohan’ity seksiona ity, amin’izay daty mampahalalaka ny kianja. Nomarihany fa ireo ekipa tafavoaka amin’ity fifaninana ity dia hiatrika lalao barazy miaraka amin’ny ekipa farany ao amin’ny D-1 elite II hiakarana « D-1 régionale ». Tanjon’ireo mpitantana ny taranja rugby rehetra na iza izy na iza, hoy Atoa Armand, dia manana tanjona ny hampandroso an’ity taranja ity daholo ka tokony ny tombontsoan’ny besinimaro sy ireo tanora mpilalao no banjinin’ny rehetra fa tsy ny fitivan-tena samirery. Laviko marindrano araka izany, hoy izy, ny fizararana misy eo anivon’ity taranja ity satria manan-jo ny hisitraka fitoniana ireo mpilalao lavalava Malagasy.

Ntsoavina Evariste