Sport

Seksion’ny rugby 3 eto Analamanga Nanao fitsipaham-pitokisana an’i Andry La Pie

Sport
Zoma 24 Novambra 2017

Nanatanteraka fivoriambe na AGO tetsy amin’ny biraon’ny COM tetsy Ivandry omaly alakamisy 24 novambra ireo seksion’ny taranja rugby 3 eto Analamanga dia Atsimondrano,

Avaradrano ary Marovatana notronin’ny seksion’i Manjakandriana izay tsy nandray anjara tamin’ny fanapahan-kevitra. Ny seksion’ny rugby Antananarivo-renivohitra kosa dia tsy tonga satria voasazy. Nanatrika an’ity fivoriana ity ny filohan’ny Malagasy Rugby sy ny SG-ny ary ny solontenan’ny COM. Tsy nahatonga solontena kosa ny minisiteran’ny fanatanjahantena fa nifandray an-telefaonina tamin’ny mpivory fotsiny. Fitsipaham-pitokisana ny filohan’Analamanga rugby tarihan’Atoa Ravelojaona La pie no votoatin’ny fivoriana ka voalaza fa handefasana ny tatitra natao avokoa ireo ratsan-mangaikan’ity tarana Rugby à XV ity (Federasiona sns…). Handefasana koa ny ministeran’ny tanora sy ny fitondram-panjakana mahefa ary ny rafitra iraisam-pirenena IRB. Nambaran’ireo seksiona 3 nanao AG fa mpisandoka manomboka eto ny mitonona ho Analamanga Rugby raha mbola manohy ny fifaninanana ataony.

Ntsoavina Evariste