Seksion’ny baolina kitra Antananarivo-renivohitra Tontosa avokoa ireo lalao 1

4-dalana 4

Sport
Talata 29 Oktobra 2019

Tontosa teny amin'ny kianjan'i Betongolo, tamin'ny alahady 27 oktobra 2019 lasa teo avokoa, ireo lalao 1/4-dalana 4 amin’ny fiadiana ny ho

tompondakan’ny seksion’ny baolina kitra Antananarivo-renivohitra sokajy D 2. Nisy ny ezaka nataonay mpitantana an’ity seksiona ity niaraka tamin’ny ireo filoha sy mpanazatra ary mpilalaon’ny ekipa tsirairay avy matoa tonga amin’izao dingana izao ny fifaninanan’ny seksiona, hoy ny filohany Raharimandimby Jean Serge teny amin’ny kianjan’i Betongolo tamin'ny alahady teo ary deraiko manokana ny finiavan’ireo boaikely mpilalao rehetra nahafoy niantoka saran-dalana mihitsy hiatrehana ny fifaninanana nataony. Na izany aza, hoy izy, dia tena olana ho an’ny seksiona Antananarivo-renivohitra ny resaka kianja filalaovana fa sarotra ny mahazo azy ireny ary tena mifanalavitra be avokoa izy rehetra fa misy ny eto Betongolo, misy ny eny Bevalala, misy ny eny Forello Tanjombato, misy ny eny Bourbon, misy ny eny amin’ny Enam Androhibe ary indraindray koa eo amin’ny kianja St Michel Amparibe. Hatreto aloha, hoy hatrany ity filoha ity, dia tsy mbola nahazo ny kianjan’i Mahamasina mihitsy ny seksiona.

Vokatry ny 1/4-dalana teny Betongolo :
Cosfa Avenir 2 – 1 Mm Fc ; Fc Sa Mada 4 – 2 As Spartiat ; Us Pro Academie 3 – 0 Fcm ;
Fc Tamia 2 – 0 Fc Nisi