Sport

Seksion’ny baolina kitra Antananarivo-Renivohitra Raikitra ny fiadiana ny ho tompondaka samihafa

Sport
Zoma 09 Martsa 2018

Hanomboka amin’ny sabotsy 10 martsa izao eny amin’ny kianjan’i Bevalala ambony sy eny amin’ny kianja Bevalala ambany ary eny amin’ny kianja Masera Bourbond Androhibe ireo fifaninanana fiadiana ny ho tompondakan’ny seksion’Antananarivo-Renivohitra.

Mahatratra 20 isaky ny « catégorie » ireo mpandray anjara eo amin’ny sokajy 11-12 taona, 12-14 taona, 15-16 taona ary ny 17-18 taona. 12 kosa no isan’ireo mpandray anjara ao amin’ny sokajy D-2, 8 no ao amin’ny sokajy Vétérans ary 4 eo amin’ny vehivavy.

Ny sabotsy 10 martsa ao amin’ny kianja Bevalala Ambony dia hanomboka amin’ny 8 :30 mandra-pahariva ny andro ireo lalaon’ny sokajy 13-14 taona sy 15-16 taona. Eny amin’ny kianja maintso Bevalala ambany kosa dia hanomboka amin’ny 9:30 hatramin’ny fiandohan’ny tolandro amin’ny 2:30 ny lalao ny sokajy 8-9-10 taona, sokafy11-12 taona . Ny alahady 11 martsa hatramin’ny mitatao vovohonana dia ao amin’ny kianja Bourbond Androhibe no hikan-tsehatra ny sokajy 17-18 taona sy ny sokajy D-2.

7:00-2M Fc # Fc Nisi (17-18 taona)

8:30-Tanà Formation # Elgeco Plus

12:00-Hero Foot # Net Foot (D-2)

14:00-Fc Sa Mada # As 2a (D-2)

Ntsoavina Evariste