Sport

Seksion’ny baolina kitra Antananarivo Renivohitra Nangotraka ireo lalao manasa-dalana D-2 omaly

Sport
Alatsinainy 02 Desambra 2019

Tena nangotraka ara-bakiteny tokoa, teny amin’ny kianjan’Alarobia omaly 01 desambra 2019, ireo lalao manasa-dalan’ny fiadiana ny ho tompondakan’ny seksion’ny baolina kitra eto Antananarivo-Renivohitra sokajy D-2.

Ny vokatra azo : Cosfa Avenir Betongolo 1- 0 Fc Tamia Ankaraobato ; Us Academi Pro Mahamasina 2 – 1 Fc Sa Mada Soavina. Nanelanelana an’ireo lalao 2 ireo tamin’io omaly io ny fifanintsanana eo amin’ny sokajy 7-8-9 taona sy ny 10-11 taona. Nomarihan’i Babaina filohan’ity seksiona ity fa hitohy amin’ny fifaninanan’ny U 14 sy U 15 amin’ny sabotsy ho avy izao sy ny fifaninanan’ny U 16 sy U 17 amin’ny alahady izao ity fifaninanan’ny tanoran’ny seksiona Antananarivo-Renivohitra ity. Nambarany ihany koa fa ny lalao famaranana rehetra ho an’ity seksiona tarihany ity dia hotontosaina amin’ny faha-22 desambra 2019 izao na etsy Mahamasina na eny amin’ny Elgeco Plus By Pass na eny amin’ny kianjan’Alarobia.

Ntsoavina Evariste