Sport

Sayha Seha Malagasy milalao ao amin’ny Olympique de Marseille

Sport
Alakamisy 08 Desambra 2022

Nantsoin'ny mpanazatra Igor Tudor hanatevina ny ekipa A ny Olympique de Marseille any Frantsa i Sayha Seha amin'izao ao anatin'ny fanomanana ny tapan'ny faharoa ny taom-pilalaovana ao amin'ny Ligy 1.

Malagasy ray sy reny zanak'i Farafangana i Sayha Seha. 17 taona izy amin'izao, teraka ny 15 janoary 2005 tany Troyes Frantsa. Teo amin’ny faha-6 taonany i Seha no niditra tao amin’ny klioba ESTAC. Mpilalao matihainina nanomboka teo amin’ny faha-16 ary efa in-droa voaantso nandrafitra ny ekipam-pirenena frantsay latsaky ny 16 taona sy 17 taona. Efa voaantso nanatevina ny ekipam-pirenena malagasy Barea U-23 ihany koa izy. Nilalao tao amin'ny ESTAC Troyes i Seha teo aloha ary ny 17 aogositra 2022 izy no nifindra ao amin’ny Olympique de Marseille, klioba ilalaovany amin’izao fotoana.
Jean D.