Sport

Savaranonandro Afrobasket 2021- Zimbabwe Nanainga omaly alahady ny ekipam-pirenena

Sport
Alatsinainy 20 Janoary 2020

Omaly alahady tolakandro tokony ho tamin’ny 3 ora latsaka fahefany tolakandro no nanainga teto an-tanindrazana (Seranam-piaramanidina Ivato) ,

ny delegasiona Malagasy eo amin’ny taranja basikety baolina hihazo an’i Harare any Bulawayo Zimbabwe hiatrika ny fifaninanana savaranonandon’ny Afrobasket 2021” ho an’ny vondrona E “Pre-eliminatoire de l’Afrobasket 2021 Groupe E” izay hotanterahina any Zimbabwe manomboka rahampitso talata 21 ka hatramin’ny faha-25 janoary 2020 izao. Marihana fa ny faritra faha-6 sy faha-7 mitamabatra aty Afrika ahitana an’i Afrika Atsimo, Botwana, Comores, Zambie ary Zimbabwe mpampiantrano no mivondrona ao amin’ity vondrona E ity ka izay tafavoaka voalohany avy ao no ho tafita hiatrika ny fifanintsanana ao amin’ity vondrona E ity hiaraka amin’i Tunisie sy ny Republique centrafricaine ary ny Rdc hotontosaina amin’ny 17 ka hatramin’ny 25 febroary 2020. Marihina fa mpilalaon’ny Gnbc miisa 6 sy mpilalaon’ny Cospn miisa 3 sy mpilalao iray an’ny Ascut sy Ascb ary Poissy basket France no nofidian’ny mpanazatra Tojo Hery sy Lova Navalona nandrafitra ny ekipam-pirenena hiatrika ny fifaninanana any Zimbabwe ity.