Sport

Sary famantarana vaovaon’ny FMF “Nandray anjara ny mpitia baolina kitra”

Sport
Alakamisy 22 Oktobra 2020

Miisa 590 ireo nandray anjara tamin’ny fifaninanana sary famantarana vaovaon’ny federasionina malagasin’ny baolina kitra, raha ny fanazavan’ny komity mpanatanteraky ny FMF tetsy amin’ny Avana Hotel Ambohidahy omaly.

Nozaraina sy nampandraisana ny mpitia baolina kitra Malagasy izany, hoy izy ireo, sy ny mpikamban’ny federasionina na CE. Ireo no nanao ny fifantenana na “préselection”. 27 isa ireo voafantina ka nampandraisina anjara betsaka avy eo ny mpikamban’ny federasionina ary nahazoana ny 3 voalohany. Ny mpitia baolina kitra rehetra no nandray anjara, hoy hatrany ny federasionina, fa tsy sanatria nokobokobonin’ny federasionina akory ny fifantenana. Notolorana ny lelavola mitentina 1.000.000 ariary moa i Zofitia Randrianjafimanana izay nahazo ny laharana voalohany tamin’ny fifaninanana. Na izany aza anefa dia miteraka resabe sahady ity resaka sary famantarana vaovao ity ary misy ireo manakiana fa tokony ho matihanina no nitsara ny fifaninanana nifantenana izany.

J. Mirija