Sport

Rugby Tsinjakabe III Feno hipoka ny kianjaben’i Mahamasina

Sport
Alatsinainy 16 Septambra 2019

Tratra ny tanjona ary fahombiazana teo amin’ny lafiny rehetra no azon’ny orinasa SPC “Sports et Cultures” tarihan-dRakotomanalina (Vévé) tamin’ny fikarakarana ny hetsika Rugby Tsinjakabe III

nifandimbiasan’ny lalao rugby sy ny fampisehoana rindran-kira notontosaina tetsy amin’ny kianjan’i Mahamasina feno hipoka tanteraka omaly alahady 14 septambra 2019 tontolo andro. Raha nampalai-nisaraka ny tanora ny rindran-kira niakaran-dry Tsota sy Leon Hill ary ry Bolo Pixx sy MIJAH sns… an-tsehatra ny tolakandro dia nampitsanga-nitoetra ny mpitia lavalava kosa ireo lalao rugby in-3 miantoana natrehana ny tapany maraina. Nampanantena ny mbola hanao tsaratsara kokoa noho izay efa vita Atoa Vévé amin’ny andiany faha-IV amin’ny taona ho avy.

Vokatra rugby tetsy Mahamasina omaly : Tfma Ankasina 32 – 32 –Ftm Manjakaray ; Tam Anosibe 24 – 20 Cnaps rugby ; 3Fai Ambalavao Isotry 31 – 31. Samy nahazo lelavola avokoa ireo ekipa nandray anjara ary notolorana amboara kosa ireo mpandresy.

Ntsoavina Evariste