Sport

Rugby Tournoi Mazavaloha Raikitra etsy Malacam ny famaranana

Sport
Sabotsy 29 Septambra 2018

Ela ny ela fa ho tontosaina etsy amin’ny kianjan’i Malacam Antanimena rahampitso alahady 30 septambra ireo lalao famaranana 2 amin’ny lalao rugby « Tounoi Mazavaloha ».

Nambaran’Atoa Raharinala Gilbert fa noho ny fifandaminana teo amin’ny kianja hilalaovana no anton’izay elanelam-potoana naharitra teo amin’ny lalao manasa-dalana sy ny lalao famaranana izay. Nomarihany fa ady goavana handrasan’ny maro tokoa ny fifanandrinan’ny 3Fb Fahasalamana sy ny Tfma Ankasina ka izay mandresy amin’io famaranana io dia ho tolorana lelavola 4 tapitrisa ariary miaraka amin’ny amboara kalisy lehibe iray ary ny resy kosa dia hahazo 2 tapitrisa ariary. Marihana fa ady amin’ny fandriampahalemana eto an-drenivohitra no tanjona amin’ny fikarakarana an’ity hetsika ity.

Fandaharan-dalao alahady 30 septambra :

Lalao sokajy vehivavy

7:30- Jsm Mahamasina # Rosa

Lalao fihantsiana D-1

9:30-Vtma Antsalovana # Rosa Club de l’Imerina

11:00- Uscar # XV Familly

Famaranana Mazavaloha

13:30-XV Wolks Anosibe # Fta Anjanahary (D-1 elite 2)

15:00-3Fb # Tfma Ankasina (D-1 elite 1)

Ntsoavina Evariste