Sport

Rugby � Top8 Hifandona amin�ny famaranana ny 3FB sy Cosfa

Sport
Alatsinainy 11 Mey 2015

Ady boaty ny lalao famaranan�ny fiadiana ny tompondakan�i Madagasikara diviziona voalohany Elita voalohany na ny Top-8.

Ny Cosfa sy 3FB no tafita hiatrika ny famaranan’ny Top-8, taorian’ireo lalao manasa-dalana natao omaly alahady teny amin’ny kianja Makis Andohatapenaka. Ny Cosfa nanintsana an’ny IRC tamin’ny isa 32-26. Ny 3FB kosa tetsy an-kilany nandavo an’ny FTM tamin’ny isa 32-16. Afa-bela tamin’i Manjakaray izany ry Ngahindriana satria tsiahivina fa ity farany dia lavon’iry voalohany tamin’ny famaranan’ny Top-14 farany teo. Ny alahady izao eny amin’ny kianjan’i Mamahasina no hanaovana ny lalao famaranan’ity Top-8 ity. Voatazon’ny 3FB kosa ny anaramboninahitra tamin’ny fiadiana ny tompondakan’i Madagasikara sokajy vehivavy satria resiny tamin’ny isa 17-13 tamin’ny famaranana omaly ny UAS Cheminots. Ho an’ny junior indray dia ny FTM Analamanga no tafavoaka lah-1 ary voahosotra ho tompondakan’i Madagasikara. Nandresy hatrany izy ireo tamin’ireo lalao dimy natrehiny nandritra ny herinandro. Ny ekipan’Atsinanana izay lah-2 no nomontsanin’izy ireo tamin’ny isa mavesatra 63-3 ny alahady teo. Lah-3 kosa Atsimo Andrefana izay nandavo an’i DIANA 27-6 tamin’ny andro farany.

Rasanda Serge

Ny manasa-dalan’ny Cosfa sy IRC omaly teny Andohatapenaka