Sport

Rugby Top 6 de l’Océan Indien 2018 Lavon’ny Ftm Manjakaray ny Curpipe Maurice

Sport
Talata 10 Aprily 2018

Taorian’ny ady sahala 20-20 nifanaovany tamin’ny Etang Salé Rugby Club avy atsy La Réunion tamin’ny andro faha-3 notontosaina ny 01 aprily teo tetsy Mahamasina dia nitohy indray ny fahombiazan’ny ekipa Malagasy, ny Ftm Manjakaray eo amin’ny fifaninanana lalao rugby Top 6 de l’Océan Indien ka ny alahady teo tetsy Mahamasina ihany dia lavony tamin’ny 56-16 ny Highlan Blues Curpipe Starlight avy atsy Maurice.

Ny Rugby Club St Paul La Réunion kosa dia nandresy ny Sélection du Comité Territorial de rugby de Mayotte 40-5 tany amin’ny kianjan’i Sabiani any La Réunion tamin’io alahady 8 aprily teo. Niala sasatra kely ny ekipan’ny Cosfa Malagasy eo amin’ity fifaninanana ity saingy nanao lalao ara-pirahalahiana tamin’ny ekipan’ny Stm Savony ho fanomanan-tena amin’ny hiatrehana ny lalao miverina hifanandrinany amin’ny ekipa voafantin’i Mayotte amin’ity faran’ny herinandro ity ka nahazo fandresena 47-26.

Ntsoavina Evariste