Sport

Rugby tompondakan’Analamanga Nitohy tetsy Malacam indray

Sport
Alarobia 23 Aogositra 2017

Tsy mety misy fifanarahan-kevitra eo amin’ny disadisa misy eo amin’ny tontolon’ny baolina lavalava ankehitriny.

Samy mbola mitana ny heviny hatrany ireo mpifanandrina izay tarihan’ny Malagasy Rugby an-daniny ary izay miaraka amin’ny Analamanga Rugby an-kilany. Raha notaterina teto afak’omaly fa nanatanteraka hatrany ny fifaninanana karakarainy teny amin’ny kianja Makis teny Andohatapenaka ny “Commission Technique Fédérale” miaraka amin’ny Malagasy Rugby dia nanohy ny fiadiana ny ho tompondakany koa tetsy amin’ny kianja Malacam ry zareo ao amin’ny Analamanga Rugby ny alahady teo. Nanamafy ny iray amin’ireo filohan’ny fileovana 9 mandray anjara amin’ny hetsika, dia Andriatsara filohan’ny Tfma Ankasina fa rafitra voafidy ara-dalàna ny Analamanga Rugby arahin-dry zareo ary voalazan’ny sata mifehy ny rugby à XV fa raha tsy misy fahadisoana miverimberina ataon’izany rafitra izany tsy azo saziana izy. Izahay klioba 9 tao amin’ny Top 14 voalaza teo kosa dia noho ny tsy fetezanay midina hilalao eny anivon’ny seksiona no nanasazian’ny Malagasy Rugby anay.

Voka-dalao tetsy Antanimena tamin’ny alahady 20 aogositra

Seksiona Antananarivo Renivohitra : 3Fai 47 – 07 Aigle Noire ; Cosm du sud 16 – 17 Tsiadana.

Lalaon’ny ligy : Soe 16 – Irc 19 ; 3Fb 28 – 16 Uasc ; Tam 27 – 22 Tfma.

Ntsoavina Evariste