Sport

Rugby tetsy Malacam Voatanan’ny XV Family ady sahala ny Irc

Sport
Alatsinainy 26 Febroary 2018

Mitohy hatrany ny fifaninanana rugby etsy amin’ny kianja Malacam Antanimena tarihan’ny ligin’Analamanga na dia teo aza ilay fanatanterahana fifidianana hoe hanoloana an’i Andry La Pie mpitarika azy.

Nitohy teny an-toerana omaly alahady ny fifanintsanana amin’ny fiadiana ny “coupe d’Analagamga rugby” ka nahitana ny fandresen’ny Tfma Ankasina 27-20 an’ny Matadore Anosipatrana teo amin’ny lalao voalohany ary ny nahatazoman’ny XV Family ady sahala 21-21 an’ny Irc tompondakan’Analamanga farany. Efa nitarika an’isa 21 no ho 9 aza ny XV Family teo am-pialantsasatra. Teo amin’ny lalao ankatoky ny famaranan’ny seksiona Antananarivo Renivohitra D-2 elite II kosa dia resin’ny Cosm du Sud Anosibe 11-9 ny Jamaic Anosibe ihany koa. Nirava tsy lera kosa teo amin’ny faha-98 minitran’ny fihaonana ny lalaon’ny 3Fai sy ny Ftat noho ny tsy faneken’ity farany ny hors-jeux azon’ny 3Fai ka tsy navelany notsaraina tamin’io ora io. Efa nitarika 15-13 ny Ftat tamin’io.

Ntsoavina Evariste