Sport

Rugby Tambohobe 15 taona Tfma flesy sy Tam Anosibe no hiatrika ny famaranana

Sport
Alatsinainy 30 Jolay 2018

Notontosaina tetsy amin’ny kianjan’i Malacam Antanimena omaly alahady 29 jolay ireo lalao rugby à XV ankatoky ny famaranana amin’ny hetsika fankalazana ny faha-15 taonan’ny fikambanana Tambohobe tarihan-Rabenjamina Willy miady amin’ny herisetra.

Tafita hiatrika ny famaranana D-1 elite I hotontosaina ny 2 septambra izao etsy Mahamasina ny Tfma Flesy nandresy ny Matadore A 19-12 sy ny Tam Anosibe nanilika ny Uscar Fivondronana 23-19. Nandroaka ny omby natolotry ny Tambohobe kosa omaly teo amin’ny D-1 elite 2 ny Espoir Anjanahary sy ny Ftn Nanouah nandresy avy ny Scm Mandialaza 10-5 sy ny XV Volks 12-12 teo amin’ny fampiharana lalàna. Ny vokatra voalohany D-1 elite 2 tetsy Malacam omaly Cea – Fanja 24-21.

Ntsoavina Evariste