Sport

Rugby Seksiona Avaradrano Ny XV TEXAS no nandroaka ny omby midôla

Sport
Alatsinainy 07 Mey 2018

Voahosotra ho tompondaka 2017 sokajy D-1 eny amin’ny seksion’ny rugby Avaradrano, ny ekipan’ny XV TEXAS Ambatomainty ka nandroaka ny omby midôla (midola trafo) nivoaka ny kianja Makis teny Andohatapenaka omaly alahady 06 mey rehefa nandresy ny ATM Manjakaray tamin’ny isa 33-17.

Ny omby midola iray hafa kosa dia ny ekipa vehivavin’i Sabotsy Namehana no nahazo azy raha nandavo ny vehivavin’ny Espoir Manjakaray 13-06 teo amin’ny Rugby à 7. Ny omby mifahy farany kosa dia lasan’ny FBM Bemasoandro nandresy ny AFA Ambohimanarina 10-3 teo amin’ny lalao fihantsiana sokajy “Elite régionale”. Ny voka-dalao 2 hafa narahina teo Andohatapenaka omaly dia ny 1/4-dalan’ny sokajy D-2 (2017) eny Avaradrano ihany : Rcda 8 – 6 Atm ; Ftm II Manjakaray 10 – 05 Trc Sab Nam.

Ntsoavina Evariste