Sport

Rugby Seksiona Antananarivo-Renivohitra Tompondakan’ny sokajy D-1 Elite II ny 3Fai

Sport
Alatsinainy 05 Martsa 2018

Ny 3Fai Ambalavao Isotry tantanan-dRtoa Rakotonirina Raissa no voahosotra ho tompondakan’ny seksionin’ny rugby eto Antananarivo-Renivohitra raha nandavo ny Cosm du Sud Anosibe 17-06 omaly teo amin’ny lalao famaranana natao tetsy amin’ny kianjan’i Malacam Antanimena.

Nifoha tamin’ny torimaso nahazo azy ity ekipan’Ambalavao Isotry ity raha somaly nangingina ihany tao anatin’izay fotoana elaela izay. Nisy ny ezaka be natao, hoy Rtoa Raissa filohany, tonga nanatrika ny fihaonana tetsy Antanimena, asa be mihitsy no nataonay ka nahazoana an’izao vokatra izao, hoy izy, ary mbola hoezahina ny hivoaran’ireo ankizy eny amin’ny fiaraha-monina amin’ny ho avy. Ankoatra ny medaly sy amboara ary sertifika azon’ity ekipan’ny 3Fai ity dia norombahin’izy ireo koa ny omby natao amboara tamin’ity fifaninanana ity.

Vokatra rehetra azo tetsy Malacam omaly alahady :

Andro faha-5 sokajy D-2 Tanà-ville

Aigle Vert 18 – 06 Rcaa

Ftva 19 – 12 Matadorea

Fiadiana laharana faha-3 D-1 Elite II Tanà-ville

Ftat 29 – 09 Jamaica

Famaranana D-1 Elite II Tanà-ville

3Fai 17 – 06 Cosm du Sud

Top 9 « Coupe d’Analamanga »

Tfa Anatihazo 22 – 19 Tam Anosibe

Marihana fa nisy fahanginana iray minitra nialohan’ny lalao ho fahatsiarovana an-dRandriambololona Jean Francis mpilalaon’ny Tfma nodimandry ny sabotsy 03 martsa ary halevina anio 5 martsa 2018.

Ntsoavina Evariste