Sport

Rugby � Mondial U15 Lavon�ny USA tamin�ny pilofasy ny EDO

Sport
Alatsinainy 24 Aogositra 2015

Hita ho efa valaka tanteraka ireo mpilalao vao tody hatrany amin�ny faran�ny fifaninanana, nandritra ilay fifaninanana fanentanana ny fiadiana ny amboara erantany amin�ny baolina lavalava hatao any Londres (18-septambra-18 oktobra),

fifaninanana natao teny amin’ny kianja Makis Andohatapenaka ny alahady tontolo andro teo. Marihina fa baolina lalaovin’olona folo ho an’ny sokajy U15 zazalahy izy io. Ekipa 20 no niatrika azy io ary nampitondraina ny anaran’ireo ekipam-pirenena hiatrika ny Mondial mihitsy. Ireo mpitsara sokajy zandriny ihany koa no nitantana ny lalao ary fito minitra in-droa miditra hatrany ny faharetan’ny fihaonana. Nozaraina vondrona efatra nisy ekipa dimy avy izy ireo. Voahosotra ho tompondaka tamin’ity fifaninanana ity ny USA Ankadifotsy izay nisalotra ny anaran’ny Tonga. Ny EDO izay nitondra ny anaran’i Nouvelle Zelande no nifandona taminy tamin’ny famaranana ary nisaraka sahala samy nahatitra baolina roa avy ny ekipa roa tonta ka rehefa natao ny pilofasy dia ny Bekintan’Ankady no nitsikian’ny vintana. Ny USA moa dia nanilika an’ny CPI (Etazonia) 3-2 tamin’ny manasa-dalana ary ny EDO nanintsana an’ny FTM (Ecosse) tamin’ny isa 4-3 tamin’ny ankatoky ny famaranana.