Sport

Rugby MijoroA 2019 Feno hipoka i Mahamasina

Sport
Talata 11 Jona 2019

Fahombiazana tanteraka no azo ilazana ny hetsika lalao rugby nokarakarain’ny Association MijoroA tamin’ny alahady 09 jona 2019 lasa teo.

Feno hipoka indray ny kianjan’i Mahamasina tamin’io fotoana io fa ireo ekipa sangany amin’ny taranja Rugby à XV sokajy D-1 Elite 1 ankehitriny eto amintsika no niakatra ny kianja mba hoentina hampiroboroboana indray an’ity taranja ity sy ho fikarakarana ny tanora araka ny tarigetran’ny fikambanana hatrany am-piandohana, hoy ny filohany, Ramboasolo Rivomanana “Barivo”. Ny 3Fb Fahasalamana sy ny Ftm Manjakaray no nahazo an’ireo amboara lehibe indray sy ny valopy natevintevina tamin’izany.

Voka-dalao tamin’ny alahady : Afa Ankazomanga 23 – 15 Ftat Anosibe ; Ftba Andohatapenaka 53 – 37 Fta Andavamamba ; Ftm Manjakaray 29 – 28 Uscar Fivondronana ; Cnaps Ampefiloha 25 – 24 3Fb Fahasalamana.

Ntsoavina Evariste