Sport

Rugby Malagasy Nirodorodo any ivelany hihaza amboara

Sport
Alakamisy 01 Jolay 2021

Nanainga omaly Alarobia 30 jona 2021 ireo ekipam-pirenena Malagasy eo amin’ny taranja rugby izay ahitana ekipa telo.

Miisa 83 ny mandrafitra ny delegasiona Malagasy ahitana mpilalao miisa 73, mpitabo 3, mpanazatra 3, lehiben'ny delegasiona 3, ary mpitsara 1. Nihazo an’i Côte d’Ivoire ny Makis sokajy lehilahy izay hiatrika ny lalao fifanintsanana hiadiana izay ho tompondaka erantany ho atao any Frantsa ny taona 2023. Nihazo an’i Kenya hiatrika ny fiadiana ny tompondakan’i Afrika kosa ny Makis sokajy Vehivavy sy ny Makis U20 sokajy Lehilahy. Nialoha ny fiaingana dia tonga nankahery sy nitso-drano ny Makis an'i Madagasikara tetsy amin’ny Kianja Maki Andohatapenaka ary nanome vatsin-dalana ny Minisitry ny Tanora sy Fanatanjahantena Tinoka Roberto. “Tokana ny tanjona dia ny handrombaka ny amboara mba hamerenana ny hambopom-pirenena amin’ny alalan’ny Fanatanjahantena”, hoy ny Minisitra.

Nangonin’i Jean D.