Sport

Rugby Malagasy Ho any Algerie ny Makis U 18

Sport
Sabotsy 05 Mey 2018

Efa nivoaka tamin’ny sabotsy 28 aprily 2018 teo ny anaran’ireo mpilalao handrafitra ny Makis U 18 hiatrika ny fiadiana ny “Jeux des Jeunes” taranja rugby à XV hotontosaina any Algerie amin’ny faramparan’ny volana mey izao na amin’ny tenatenan’ny volana jolay 2018. Efa nanomboka tamin’ny alatsinainy 30 aprily teo ny fampivondronana azy ireo.

Hiditra ao amin’ny toeram-piofanana lalao rugby vaovao etsy Andohatapenaka tsy ho ela ihany koa ny tanora mpilalao rugby Malagasy latsaky ny 16 taona.

Marihina fa taorian’ny fiadiana ny ho tompondakan’i Madagasikara farany teo dia ny fiadiana ny Amboaran’ny Filoha no hetsika handrasan’ny maro eny amin’ny kianja Makis Andohatapenaka ka handraisan’ny avy any amin’ny Faritra anjara. Mbola hifanarahana, hoy ny “Directeur de Compétition” eo anivon’ny Malagasy Rugby, Razanatovo Lucien René, ny “Formule” hitondrana ny fifaninanana.

Ntsoavina Evariste