Sport

Rugby - Malacam Omby mifahy 5 no hiadiana amin’ny alahady izao

Sport
Sabotsy 23 Desambra 2017

Hafana dia hafana ny lalao rugby hotontosaina eny amin’ny kianjan’i Makis Andohatapenaka rahampitso alahady 24 desambra.

Omby mifahy 5 mantsy no hatolotry ny fikambanan’ny tanora mpanao rugby tarihan-dRanainabe ho an’izay mandresy amin’ireo lalao famaranan’ny “Coupe de Noël 2017”. Ao izany ireo famaranana D-1 hanomboka hikatrohan’ny FTN Nanouwah sy ny Lion’s, ny FBM Bemasoandro sy ny XV Black Andohatapenaka ary ny fihaonan’ny SCB Besarety ny Rosa Club Antohomadinika. Hisy ihany koa ny famaranana sokajy “Champion’s ligue” hifanandrinan’ny VTMA sy ny XV FA ny adin’ny USA sy STM. Ny maraina, mialoha ireo rehetra ireo anefa dia hisy ny lalao ankatoky ny famaranana D-1 hifanandrianan’ny JSAA Ampefiloha sy ny KMA Antetezana Afovoany.

Ntsoavina Evariste