Sport

Rugby � Mada junior Manjakazaka Analamanga

Sport
Talata 05 Mey 2015

Niditra tamin�ny andro fah-2 ny fiadiana ny tompondakan�i Madagasikara sokajy �junior� ka lalao roa indray no notanterahina omaly teny amin�ny kianja Makis Andohatapenaka. Nandrombaka fandresena fanindroany tamin�izany ny ekipan�Analamanga izay hita fa manjakazaka toy ny mahazatra amin�ity sokajy

zandriny ity. Taorian’ny efa nanamontsanan’ity ekipa mpampiantrano ity tamin’ny isa mavesatra 106-5 ny ekipan’Alaotra Mangoro dia mbola nandresy mazava an’Atsimo Andrefana tamin’ny isa 45-7 indray izy ireo omaly. Taorian’ny nandavoan’ny ekipan’Analamanga azy tamin’ny andro voalohany kosa dia niarina ary nandrombaka fandresena voalohany omaly Alaotra Mangoro ka resiny tamin’ny isa 43-26 ny ekipan’i DIANA tamin’ny andro faha-2. Ekipa dimy ihany moa no miatrika ity fifaninanana nasionaly “junior” ity ka isaky ny roa andro no hanaovana ny fifaninanana izay anaty vondrona tokana. Ny alahady izao vao hifarana ity fiadiana ny tompondakan’i Madagasikara zandriny ity, hifanindran-dalana amin’ny manasa-dalan’ny Top-8.

Rasanda Serge