Sport

Rugby � FMF Rug Hanao hetsika fanangonana sosonkevitra hanatsarana ny taranja

Sport
Alakamisy 18 Jona 2015

Isan�ireo hanana travoeva etsy amin�ny lapan�ny tan�na Analakely mandritra hetsika �Carnaval de Madagascar� ny zoma sy sabotsy ary alahady izao ny Fikambanan�ny mpitantana fileovana rugby (FMF Rug) miaraka amin�ny federasiona malagasy

. Ity fikambanana ity izay tarihin’ny filohany, Ramorasata Crescent Michel moa dia niorina ny volana novambra 2014 ary manana mpikambana 32 avy eto Antananarivo. Ny fikambanana dia manao antso amin’ireo mpankafy ny taranja amin’io zoma sy sabotsy io mba hameno ny taratasy fanangonana sosokevitra eo amin’ny tranoevany. Io taratasy io no ahafahan’ny olona maneho ny hetahetany mikasika ireo olana sy vahaolana ho fanatsarana ny taranja ary harotsaka anaty vata mangarahara. Afaka marihina ao anaty taratasy na tsia ny anaran’ny mpanoratra. Ny fehinkevitra voaray eo dia entina hatolotra ireo rafi-pitantanana isan’ambaratongany toy ny seksiona sy ligy ary federasiona entina hanatsarana ny taranja. Nomarihin’ny fikambanana fa tsy mifaninanana amin’ireo rafi-pitantanana federaly akory izy ireo fa mpiaramiasa ho fiaraha-mikatsaka ny hampandroso ny baolina lavalava. Nambaran’ireo mpitantanana ny FMF Rugkoa fa hetsika nahazo alalana tamin’ny federasiona sy ny ligin’Analamanga izao ataon’ny fikambanana izao.

Rasanda Serge