Sport

Rugby – Fileovana FTMM Morarano Voafidy ho filoha indray i Fafah

Sport
Alatsinainy 04 Martsa 2019

Tao anatin’ny fifampiarahabana nahatratra ny taona sy fivoriana natao teny Ivandry omaly alahady 3 martsa 2019 ka nanaovana fifidianana birao hitantana indray ny fileovana rugby FTMM (Fikambanan’ny Tanora Morarano Milalao)

izay somary natoritory an-taonany maromaro tao ho ao no nahafantarana fa lany ho filoha vaovao hitantana an’ity kliobana rugby ity indray Razafiarison François Xavier “Fafah” nahazo vato 50 tamin’ireo mpikambana tonga nanatanteraka ny fifidianana. Manodidina ny 10 ireo mpikambana ao amin’ny birao nolaniana niaraka taminy. Ny hamerina ny laza nananan’ity fileovana ity indray no himasoan’ny birao vaovao. Nambaran’i Fafah tamin’ny fandraisam-pitenenana voalohany nataony fa ny firaisankinan’ireo mpilalao no ilaina ao anaty klioba iray mba hahazoana fahombiazana ary rehefa mitantana klioba koa tsy maintsy manana “Sponsor”. Hankalaza ny faha-15 taona niorenany ny Ftmm amin’ity 2019 ary hifanindran-dalana amin’izany koa ny fankalazana ny faha-15 taonan’ny ABQ (Association des Bas Quartiers) izay fikambanana mpanao rugby tarihan’i Fafah ihany koa. Ny 16 martsa 2019 ho avy izao dia hisy fanompoam-pivavahana sy “Cocktail” hotanterahina ary ny 02 sy 16 aprily 2019 kosa dia hisy ny “Grand Match de rugby” hanamarihana ny faha-15 taona roa sosona

Ntsoavina Evariste