Sport

Rugby Fanohanana ny K 25 Lasan’ny XV Family sy Tfma ny 3 tapitrisa ariary avy

Sport
Alatsinainy 17 Desambra 2018

Tontosa tetsy amin’ny kianjan’i Mahamasina omaly alahady 16 desambra 2018 ireo famaranana tamin’ny lalao Rugby nokarakarain’ny fikambanana Madagasikara Tafaray tarihan’ny

filohany Mbola Joseph Rajaonah niaraka tamin’ny Analamanga Rugby tarihan-dRavelojaona Andry La Pie ka nentina indrindra hanohanana ny kandida Marc Ravalomanana n°25 amin’ny fampielezan-kevitra tanterahana ankehitriny, tonga teny amin’ny kianjan’i Mahamasina nivantana nanolotra an’ireo akanjo filalaovana nomena an’ireo ekipa 8 nandray anjara tamin’ity fifaninanana ity. Fa satria tsy nisy fidirana ny nijery an’ity hetsika ity omaly dia nisy andiana olona manao ankajon’ny kandida n°13 nitonantonana na nampirisihana ho eny amin’ny kianjan’i Mahamasina omaly ka nisiotsioka ny kandida n°25. Tony anefa ireo mpomba ny n°25 tonga maro teny an-toerana ka tsy namaly ny fihantsiana nataon’ireto andian’olona ireto. Teo amin’ny voka-dalao famaranana natao omaly kosa dia lasan’ny XV Family Vondrona sy Tfma Ankasina ny lelavola 3 tapitrisa ariary avy natao fanomezana tamin’izany. Ny XV Family nandresy ny Matadorea Andohatapenaka 19-17 ary ny Tfma nandavo ny Uscar 27- 19. Lelavola 2 tapitrisa ariary avy kosa no natolotra an’ireto resy. Samy mbola notoloran’ny Madagasikara Tafaray lelavola sahaza azy koa ireo ekipa resy teo amin’ny manasa-dalana.

Ntsoavina Evariste