Sport

Rugby – Famaranana ny Gold Top 20-2019 Hanombola amin’ny 7 ora maraina ny fivarotana tapakila

Sport
Alarobia 05 Febroary 2020

Noho ny fandaminana napetraky ny Malagasy Rugby hisorohana ny fifanosehana eo am-pidirana dia hisokatra avokoa ireo vavahady miisa

telo (03) eo amin'ny Kianja Makis Andohatapenaka amin’ny alahady 09 febroary ho avy izao, fotoana hanatanterahana ny lalao famaranana ny fifaninanana Gold Top 20-2019 hifanandrinan’ny Tfa Anatihazo sy ny Cosfa Miaramila. Nomarihan’ny FMR ihany koa miaraka amin’izany fa amin'ny 07ora maraina amin’io alahady io dia efa hisy ny fivarotana ny tapakila fidirana amin’ny vidiny 3000 ar.

Fandaharan-dalao amin’ny alahady 09 febroary :

09:00 : Ftvl Lalamaty #” Crai Ambalavao Isotry

Ankatoky ny Famaranana sokajy Federal 2

11:00 : Fbm Bemasoandro # Uasc Cheminot

13:00 : Soe Stade # Mang’Art Manjakaray

Famaranana Gold Top 20 sokajy Federal 1

15:00 : Tfa Anatihazo # Cosfa Miaramila

Ntsoavina Evariste