Sport

Rugby faha-15 taonan’ny Tambohobe Omby roa no loka be hiandry etsy Mahamasina

Sport
Zoma 31 Aogositra 2018

Ho famaranana ny lalao rugby nentina nankalazana ny faha-15 taona niorenan’ny fikambanana Tambohobe miady amin’ny herisetra dia omby roa sy loka lehibe iray no hatolotra ho an’ireo mpandresy etsy amin’ny kianjan’i Mahamasina

amin’ny alahady 2 septambra 2018 izao. Ny iray dia omby hatolotra izay mandresy eo amin’ny sokajy D-1 elite II hifanandrinan’ny Espoir Anjanahary sy ny FTN Nanahazana. Ny faharoa kosa dia omby hatolotra izay mandresy amin’ny lalao famaranana sokajy D-1 elite I hifanandrinan’ny Uscar sy ny XV Family ary ny fahatelo dia loka lelavola be hatolotra izay mandresy amin’ny ala vela hifanandrinan’ny Tfma Ankasina sy ny Tam Anosibe sokajy D-1 elite I. Hialoha ireo rehetra ireo hanomboka amin’ny 9:30 maraina ny “Match Génération” : CEA Andranomanalina # ASA Ambohimanarina. Eny antsefatsefan’ny fihaonana rehetra kosa no hiakaran’ireo mpiantsa vakisôva sehatra ao Mahamasina ao.

Ntsoavina Evariste