Sport

Rugby “Comité Technique Fédérale” Omby 4 no nivoaka teny amin’ny kianja Makis

Sport
Talata 27 Febroary 2018

Ankoatra ny tetsy Malacam Antanimena dia mitohy ihany koa ny lalao rugby karakarain’ny CTF na “Comité Technique Fédérale” teny amin’ny kinja Makis Andohatapenaka tamin’ny alahady 25 febroary lasa teo.

Noho ny fametraham-pialana tamin’ny ora farany tsy handray anjara tamin’ny fifidianana ho filohan’ny ligy farany teo nataon’ny seksion’Atsimondrano sy Avaradrano ary Andrefan’Iarivo ka nahalany an’Atoa Razafimbelo Norbert anefa dia tsy navela hitantana an’ity CTF ity intsony i Rija Randrianarisoa fa ny ekipany sy ny teknisianin’ny Malagasy Rugby no niara-nitantana nanatanteraka an’ireo lalao famaranana 4 natao teny Andohatapenaka tamin’ny alahady 25 febroary lasa teo. Ankoatra ireo amboara natolotra ny mpandresy tsirairay avy tamin’ireo famaranana ireo dia mbola notolorana omby tsirairay avy koa izy ireo. Nambaran’ny “Directeur de competition” eo anivon’ny Malagasy Rugby, Atoa Razanajatovo Lucien René na i Néné fa hita ho tena miakatra ny haavo lentan’ny fifaninanana rehetra na lahy na vavy eny amin’ny fifaninanana ara-dalàna eny Andohatapenaka ary nambarany ihany koa fa amin’ireo mpilalao ao amin’ny fileovana milalao eny Andohatapenaka ihany no hangalana ireo handrafitra ny Makis de Madagascar lahy na vavy amin’ny fotoana ilana azy.

Voka-dalao teny Andohatapenaka tamin’ny alahady teo :

Fiadian-toerana faha-3 hiakarana diviziona rejionaly : Asa 5 – 3 Fba

Famaranana D-2 vehivavy : Scb 9 – 7 Ftvl Lala-maty

Famaranana D-1 vehivavy : Scb 9 – 7 Fta

Ntsoavina Evariste