Sport

Rugby Analamanga Mitohy ny fifanasana vangy

Sport
Alatsinainy 18 Septambra 2017

Mitohy hatrany ireo fiadiana ny ho tompondakan’Analamanga 2017 eo amin’ny taranja rugby à XV ho an’ny fifaninanana eny amin’ny kianjan’i Makis Andohatapenaka notontosaina ny sabotsy sy omaly alahady.

Toy izao ny vokatra : Nanoowah 14 – 3 Afa, XV Black 13 – 12 Balami, Fbm 13 – 3 Lion, Rosa 18 – 16 Tam 67 ha, Tarea 12 – 10 Soldat, Ftm 49 – 03 XVAvenir, Stm 39 – 30 Uirc, 3F 5 16 – 50 Jsta, Ikopa 15 – 36 Cosfa. Tahaka izay koa ny fifaninanana etsy amin’ny kianja Malacam Antanimena. Toy izao ny vokatra : Ftat 08 – 09 Csa, Uasc 41 – 11 Matadore A, XV Family 21 – 21 Soe, Tfma 20 – 11 Tfa, 3Fb 25 – 26 Irc. Tao anatin’ity lalao tetsy Antanimena ity no nanambaran-dRabera filohan’ny seksion’ny rugby eto Antananarivo fa henon’izy ireo indray ny fikasana handrava ny lalao eny Andohatapenaka sy eny Malacam kasain’ny tarika avy eny Andohatapenaka hatao. Ireo seksiona 3 miara-dia amin’ny Malagasy rugby (Avaradrano, Atsimondrano, Andrefan’Iarivo) no tena nahatonga ny savorovoro, hoy izy.

Ntsoavina Evariste