Sport

Rugby Analamanga Lavon’ny TAM Anosibe tamin’ny moka fohy ny TFA Anatihazo

Sport
Talata 03 Oktobra 2017

Nitohy araka ny mahazatra tetsy amin’ny kianjan’i Malacam Antanimena ireo lalao tafiditra amin’ny fiadiana ny ho tompondakan’Analamanga eo amin’ny taranja rugby à XV taona 2017.

Raha nazava ny fandresen’ny 3Fb ny ekipan’ny Matadore A 38 – 24 tamin’ny lalao voalohan’ny Elite I dia rava 3 minitra nialohan’ny kimpantsona famaranana kosa ny lalaon’ny Tfma sy ny Uascheminot tompon-jaridaina noho ny tsy fankatoavan’ny mpilalao iray ny fanapahan-kevitry ny mpitsara ka nitrangan’ny savorovoro tamin’izany lalao izany. Nitarika 27 – 21 ny Tfma tamin’izay. Resin’ny Tam Anosibe tamin’ny moka fohy 23 – 21 kosa teo amin’ny lalao farany izay nifandanja sy nampitaintaina hatramin’ny farany ny Tfa Anatihazo.

Vokatry ny Elite I natao ny alahady 01 oktobra : Aska Andravoahangy hazo 9 – 16 Tfma Andavamamba ; Aigle Vert 17 – 09 Dragon Rouge.

Ntsoavina Evariste