Sport

Rugby à XV Miala any indray ny CT Tanà-Ville

Sport
Talata 05 Septambra 2017

Tsy mbola miravona ny disadisa misy eo amin’ny tontolon’ny rugby Malagasy.

Fantatra ankehitriny, araka ny taratasy « Attestation de fonction » navoakan’ny filohan’ny Malagasy Rugby tamin’ny 21 aogositra 2017 teo fa notendrena hitantana ny andraikitry ny « Comité Technique Section rugby Tanà-Ville » ny olona 6 mirahalahy tarihan-dRakotondrafara Jean Herinaina na i Naina Be mpitarika ny fikambanan’ny rugby eny amin’ny faritra iva izay nanambara fa tsy miditra amin’ny olana misy eo amin’ity tontolo ity fa vonona kosa hampandroso ny lalao rugby eny ifotony amin’ny ankapobeny. Tsy niandry ela fa ny sabotsy 2 aogositra teo teny amin’ny kianjan’i Makis Andohatapenaka dia nisy sahady ireo lalao samihafa nanokafan’ity kaomisiona ity ny fiadiana ny ho tompondaka karakarainy.

D-2 : TFA 19 – 00 XV Cousin ; COA 6 – 11 Zazanavela ; TMH 9 – 3 Sarc/Fita 2 : IHS 12 – 3 FTN Nanouah. Nisy koa ireo lalao notontosaina ny alahady 3 septambra 2017 ary hitohy isaky ny sabotsy sy alahady manaraka ny lalao karakarain-dry zareo.

Ntsoavina Evariste