Sport

Rugby à XV – Kianjan’i Makis Montsan’ny Ftm sy Savony ry Ikopa sy Vtma

Sport
Alatsinainy 20 Novambra 2017

Nitohy indray ireo lalao karakarain’ny ny “Comité Technique Fédéral ” misahana ny fifaninana eto Analamanga tontosaina eny amin’ny kianjan’i Makis eny Andohatapenaka taorian’ireny fandrarana ny hetsika ara-panatanjahantena noho ny valan’aretina pesta ireny.

Ny sabotsy 18 sy ny alahady 19 novambra indray ary no nisy lalao narahina tamin’izany ka omaly alahady 19 novambra teo amin’ny D-1 Elite 1 dia nomontsanin’ny Ftm Manjakaray sy ny Stm Savony ny ekipan’Ikopa sy Vtma Antsalova ka tamin’ny 42 noho 06 no nisarahan’ny fihaonana voalohany ary 47 noho 09 kosa ny fihaonana faharoa. Nambaran’Atoa Randrianarisoa Rija filohan’ity ny “Comité Technique Fédéral ” ity fa andro roa sisa no ho tanterahina dia hiditra amin’ny dingana famaranana ity fifaninanana ity.

Voka-dalao D-1 Elite 2 azo omaly teny Andohatapenaka ihany :

Asa 18 - 03 Lion ; Jca 18 – 14 Mang’Art ; XV Black 10 – 33 Scb.