Sport

Rugby à 7 teny Andohatapenaka Hisafidianana ireo mpilalao ho any Ouganda

Sport
Talata 29 Aogositra 2017

Nanatontosa “Tournoi Rugby à 7” teny amin’ny kianjan’ny Makis teny Andohatapenaka ny sabotsy 26 sy alahady 27 aogositra teo ny Malagasy Rugby mba hahazoana mifantina ireo mpilalao ho any Ouganda hiatrika ny fiadiana ny ho tompondakan’i Afrika taona 2017 eo amin’ity taranja ity.

60 ireo mpilalao hantsoina amin’ity herinandro hitsahina ity hiatrika ny fampivondronana miaraka ka hifantenana mpilalao 16 raikitra handeha any Ouganda. Raha tonga dia nalaina tamin’ny Makis zokiny fotsiny teo aloha ny ekipana Rugby à 7 misolontena antsika hiatrika ny lalao iraisam-pirenena, hoy ny fanazavana azo teny Andohatapenaka, dia niniana nanaovana “Tournoi” ny fifantenana azy ireo tamin’ity indray maka ity ka ireo fileovana 11 D-1 federaly miatrika ny ho tompondakan’Analamanga tarihan’ny “Comité Technique Fédérale” sy ekipa voafantina 5 notsongaina avy amin’ny D-1 rezionaly 20 eny Andohatapenaka no nikatroka tamin’ireo 2 andro ireo.

Vokatra azo

Finale Coupe : Ftm 26 – 5 Stm

Filnale Plate : Cofa 35 – 0 XV Fa

Finale bowl : Zone 3 26 – 14 Vtma

Fiadin-toerana : Jsta 31 – 19 Zone 1 ; Usi 36 – 7 Zône 2 ; Usa 16 -16 Uirc

Ntsoavina Evariste