Sport

Romain Metanire Mitohy ny ady amin’ny fanavakavahana

Sport
Talata 01 Septambra 2020

Ho fiombonana alahelo tamin’ny herisetra nataon’ny polisy amerikanina ilay mainty hoditra, Jacob Blake, ny 23 aogositra teo dia nanao fihetsika ho marik’izany indray ilay vodilaharan’ny baolina kitra Malagasy,

Romain Metanire. Mitohy hatramin’izao ny ady amin’ny fanavakavahana ho an’ity Barea milalao ao amin’ny Minnesota United FC ho marika fa isan’ireo hiharan’ny herisetra ihany koa ny tenany rehefa hiharan’ny herisetra ireo mainty hoditra toa azy. Manohana ny hetsika Black lives matter izay mitolona ho amin’ny fanafoanana ity fanavakavahana ity moa ny tenany ao Etazonia ao, izay toerana hilalaovany rahateo. Ahiana hiantraika amin’ny fifantohan’ity kintana Malagasy izay herin’ny ekipany ity mihitsy ny zava-misy any an-toerana raha ny fandinihan’ireo mpanara-baovao azy. Fanindroany izao ny Minesota no nizaka faharesena ao anatin’izao fiverenan’ny fifaninanam-pirenena amerikanina na MLS izao. Niondrika an-jaridaina tamin’ny isa 1 noho 3 teo anatrehan’ny FC Dallas moa ry Metanire sy ny namany ny 29 aogositra teo raha tsiahivina.

J. Mirija