Sport

Razafindrasata Tsito Mamiratra any amin’ny Cosafa Cup 2018

Sport
Alarobia 06 Jona 2018

Na dia vao voalohany aza no nivoahany niaro ny voninahi-pirenena amin’ny maha mpilalon’ny Barean’i Madagasikara azy miaraka amin’ny rahalahiny Razafindrasata Tsiry dia mamiratra tanteraka hatreto ilay mpilalao tanora vao 22 taona monja (teraka tamin’ny taona 1996),

i Tsito Razafindrasata na Tsito Nandrasana, mpilalaon’ny ekipan’ny Jet Mada tompondaka vaovaon’ny ligin’ny baolina kitran’Itasy izay nandresy ny Cnaps Sport tompondaka farany tamin’ny isa 1-0 teny Vontovorona tamin’ny 6 mey 2018 lasa teo izay andro fah-6 farany tamin’ny fiadiana ny ho tompondakan’ny Ligin’Itasy 2018. Voahosotra ho mpilalao mendriky ny fihaonan’ny Barea sy Comores tamin’ny fifanintsanan’ny Vondrona A amin’ity Cosafa Cup ity ny 31 mey 2018 lasa teo i Tsiry Razafindrasata. Nankatovin’i René Dupuis, mpanazatra ny Barea manatrika ny fihaonana rehetra any Afrika Atsimo ankehitriny ity mpilalao tanoran’ny Barea Cosafa Cup 2018 ity ka tombanana ho anisan’ireo mpilalao hantsoiny hanatevin-daharana ny Barea hiatrika an’i Sénégal amin’ny septambra ho avy izao.

Ntsoavina Evariste