Sport

Razafiarivony Angelot Nibata ny « Prix PAISAC » basikety

Sport
Talata 16 Janoary 2018

Lasan’ilay “Instructeur FIBA Afrique" Malagasy, Razafiarivony Solofohery Angelot, ny loka natolotry ny STESAM avy amin’ilay fifaninanana “Prix ¨PAISAC”

na Programme d'Appui International Aux Sports Africains et des Caraïbes natokana ho an'ireo efa niofana tany Montréal Canada (Boursier Olympique), avy aty Afrique sy Caraïbes. Nisy firenena 25 no nandray anjara (20 avy aty Afrique, 05 avy any Caraibes). Ny fampiofanana nomeny nanomboka ny 2008-2017 no nitsarana ireo mpandray anjara. Ho an’ity teratany Malagasy ity manokana dia nahatratra 36 ireo fiofanana (stage) notarihiny teto Madagasikara. Nahatratra 518 ireo mpiofana nahazo diplaoma tamin’izany :

- coach minibasket (365) ;

- niveau 1 (116) ;

- niveau 2 (27);

- niveau 3 (10)

Ankoatra io loka natolotry ny Stesam io sy ny fankasitrahana natolotry ny PAISAC azy dia nahazo vatsim-piofanana (lelavola) ihany koa Razafiarivony Angelot tamin'ny fiafaran'ny fiofanana Paisac andiany faha-30 natao tany Montréal Canada tamin’ny 17 desambra lasa teo.

Ntsoavina Evariste